Сагыйт Рамиев
Сәгыйт Рәмиев(1880-1926}
Сукачыга
Ташлык кына белән чәнечкелек
Булып калган кырда армыенча,
Буразнаны өзми эшләгез гел,
Таң нурыннан шәфәкъ янгыенча.
Бу эшегез сезнең мөкатдәс ул,
Мәңге аксын аның агышы!
Калаларда, завод-фабрикларда,
Бар күңелнең сездер сагышы.
Әй сайрашып очкан кыр кошлары!
Кыр-җирләргә төшми калмагыз,
Кыр-җирләргә төшеп, гөлгә кунып,
Сукачыга сәлам сайрагыз!
← назад ↑ наверх @ почта kitap.net.ru @ заведите почту на kitap.net.ru