Мамадыш районының Катмыш авылында туган. 1977 елда урта мәктәпне, 1984 елда Алабуга дәүләт педагогия институтын тәмамлый. Башта мәктәптә укыта, 1991 елдан Түбән Кама шәһәрендә чыга торган «Туган як» газетасы редакциясендә хәбәрче, җаваплы секретарь, бүлек мөдире булып эшли. Россия журналистлар берлеге әгъзасы. Хикәяләре үзе эшли торган «Туган як» газетасында, Мамадышта чыгучы «Нократ» газетасында, «Казан» һәм «Мәйдан» журналларында, «Ватаным Татарстан», «Мәгърифәт» газеталарында һәм «Чулман акчарлаклары» китап-җыентыгында басылып чыккан.